„Денеска имаше седница на Народното собрание. Голата вистина излезе на виделина. Вистината е дека премиерот на Бугарија активно учествувал во разговорите со странските дипломати со единствена цел – национално предавство. Предавство кон Бугарија и сите Бугари“, сподели Слави Трифонов, лидер на „Има таков народ“.
Тој нагласи дека Петков ветил дека ќе го укине ветото за Република Северна Македонија за почеток на преговорите за пристапување во Европската унија до крајот на француското претседателство во јуни.
„Покрај тоа – без Северна Македонија да ги исполни бугарските услови. Притоа, преку паралелната „министерка за надворешни работи“ Весела Чернева, изготвен е рамковен став-проект со кој се ревидира бугарската национална позиција. Во ова срамно издание Кирил Петков и Весела Чернева обезбедиле отстапки за правата на Бугарите во Северна Македонија, како и отстапки за бугарската позиција за т.н. македонски јазик“, рече Трифонов.
„Денес стана јасно зошто ја напуштив коалицијата и ги повлеков министрите од „Има такви луѓе“. Ова е вистината – не можам да учествувам во национално предавство. Среќен Видовден!“, се вели во пораката на Трифонов објавена на социјална мрежа.