Глобалните потрошувачи и извозници на сурова нафта сега се снаоѓаат без трговски зделки во долари, објави „Волстрит журнал“ неделава, цитирајќи ја шефицата на стратегијата за глобален пазар на JP Morgan Chase, Наташа Канева.
Еден ден пред објавувањето на извештајот, Иран и Русија, две од водечките светски извозници на нафта, склучија договор за трговија со национални валути.
„Американскиот долар добива одредена конкуренција на пазарите“, изјави Канева за американскиот весник, истакнувајќи дека уделот на светската нафта што се продава за други валути се искачи на речиси 20 отсто.
Според податоците обработени од JP Morgan, оваа година биле склучени 12 големи купопродажни договори во валути различни од американскиот долар, во споредба со само седум минатата година. Во периодот од 2015 до 2021 година склучени се само два такви договори.