Името Пабло Ескобар е добро познато низ целиот свет. Тој беше еден од најпознатите, но и најсурови шефови на дрога на сите времиња. Тој владееше со колумбискиот картел Меделин, а неговото богатство беше проценето на 30 милијарди долари. За неговата смрт кружат различни приказни, а сега неговиот братучед Николас ја откри правата вистина.
По долгогодишно прогонство со властите, во 1991 година Пабло им се предаде на властите, тој беше осуден на 5 години затвор, кои, сепак, требаше да ги одлежи во затворот што самиот го изгради. Како што се очекуваше, во 1992 година тој избега и се криеше сè до својата смрт. Колумбиската полиција го опколи и го уби во неговиот роден град на 2 декември 1992 година, само еден ден по неговиот 44-ти роденден.
Тој бил застрелан неколку пати во ногата и торзото, но куршумот што минал низ главата бил фатален. Никогаш не е утврдено точно кој го испукал тој куршум, а сега неговиот братучед Николас Ескобар открива што точно се случило тој ден.
Николас Ескобар денес има 50 години и е управител на музејот „Пабло Ескобар“ во Меделин.
Во првото интервју за шпанските медиуми, поточно за Ел Мундо, тој раскажа како бил киднапиран на 17 мај 1993 година.
Тој вели дека бил киднапиран од колумбиската полиција и бил мачен 7 часа. Две други лица кои во тој момент биле со него биле целосно масакрирани со моторна пила. На крајот бил ослободен.
„Кога излегов, го повикав чичко ми на приватен број. Се уште ги паметам броевите: 32-80-191 и 32-80-194. Тој ми рече дека директно го повикал претседателот на Републиката и му рекол дека ако не ме пуштат, тоа веќе нема да биде војна против државата туку против децата на сите генерали “, рече тој.
По тој настан, Николас отишол во Шпанија, но властите не му дозволиле да се симне од авионот. Затоа отишол во Франкфурт каде фатил авион за Лондон и оттаму отпатува за Гибралтар каде конечно стапнал на шпанско тло.
Неколку месеци подоцна дознал за смртта на Пабло.
„Бев на 4-ти кат од мојата куќа. Слушнав врисок од првиот кат, тие на телевизија рекоа дека вујко ми починал. Влегов во автомобилот и возев 180 км за да направам повик. Ми потврдија дека станува збор за самоубиство. Потврдувам дека Пабло Ескобар не бил убиен од ниту еден агент “, вели Николас, инаку син на братот на Пабло, Роберт.
If anyone cares: 25 years ago today Pablo Escobar was shot and killed. pic.twitter.com/D9VjU2ZcqI
— James (@BaghdadCocaCola) December 2, 2018
Според него, Пабло рекол дека, во случај да не може да избега, би се самоубил затоа што не сакал да заврши во американски затвор.
„Тој се самоуби кога го опколија“, заклучи Николас.
По смртта на Ескобар, картелот Меделин се подели на неколку делови, а пазарот на кокаин го презеде ривалскиот картел Кали.