По обилните врнежи во изминативе денови, речните текови во Словенија во среда се намалуваат, но до граѓаните и натаму се апелира да бидат внимателни поради опасност од одрони.
Крка се уште се излева на вообичаените места, се уште има излевања во басенот Пешница и Шчавница, Мура се излева во насипите против поплави, јавува словенечката агенција СТА. Тие реки се очекува да се вратат на своите корита до сабота, одржувајќи ги високите водостои, се вели во хидролошкиот извештај.
Според прогнозите на хидролозите на словенечката агенција за животна средина, реката ќе продолжи да опаѓа.
Поради обилните врнежи во изминатите неколку дена, најмногу надојдени се реките на североистокот и југоистокот од земјава, од кои дел се поплавени. Поради големите врнежи за краток временски период, бројните поројни потоци предизвикаа значителни проблеми.
Неколку стотици свлечишта се активирани во последните денови, особено во Словенске Горице и Халоже, а опасноста од лизгање на земјиштето се уште постои, предупредува Геолошкиот завод на Словенија. Затоа, се повикуваат граѓаните да ги следат настаните и промените во нивната околина и на објектите.