Нападот на Русија врз градот Бахмут на истокот на Украина е запрен, а украинските бранители ги воспоставија своите позиции, соопштија британското министерство за одбрана и началникот на украинската армија Валериј Залужни.
Министерството за одбрана во својот дневен извештај за војната во Украина соопшти дека обидот на Русија да го заземе Бахмут е закочен поради „екстремната исцрпеност“ на руските сили, што веројатно е влошена од внатрешните конфликти меѓу руската редовна армија и паравоената формација „Вагнер“, чии сили се наоѓаат во таа област.
„Русија сега ги концентрира своите сили кон малку појужниот град Авдијевка и кон линијата на фронтот кај Кремина и Сватова северно од Бахмут“, се вели во извештајот.
Latest Defence Intelligence update on the situation in Ukraine – 25 March 2023.
Find out more about Defence Intelligence's use of language: https://t.co/hPItxkp6cV
🇺🇦 #StandWithUkraine 🇺🇦 pic.twitter.com/bCnS87k1lJ
— Ministry of Defence 🇬🇧 (@DefenceHQ) March 25, 2023
Ова сугерира дека Русите се враќаат на поодбранбена позиција по неуспехот на нивните офанзивни напори кои започнаа во јануари.
Ова е во согласност со оценката на Залужни.
„Благодарение на огромните напори на одбранбените сили, ситуацијата се стабилизира“, наведе Залужни на својот Фејсбук профил по телефонскиот разговор со неговиот британски колега Тони Радакин во петокот.
Сепак, областа околу Бахмут останува една од најтешките на бојното поле.