Жирафа усмрти филмски режисер за време на снимање

Јужноафриканскиот режисер Карлос Карваљо настрада во текот на снимањето емисија во резерватот на диви животни, кога го усмрти жирафа.

Продуцентската куќа Калакру соопшти дека режисерот Карваљо снимал филм на фармата Глен Африк северозападно од Јоханесбург кога се случила фаталната средба со жирафата.

Јужноафриканските медиуми пренесуваат дека Карваљо бил покрај жирафата кога таа замавнала со вратот и го соборила.

Тој е превезен во болница во Јоханесбург, каде истата ноќ починал од здобиените повреди.