VW Golf е најновото дополнување на пазарот на оклопни возила.
Злобниците ќе кажат дека со оглед на цената на VW Golf, градскиот модел сега припаѓа на ексклузивното друштво на скапи автомобили што ги возат богатите, па не треба да чуди што се нуди и неговата блиндирана верзија. Сепак, работите стануваат појасни кога ќе кажеме дека блиндираниот Golf го нуди компанијата Armormax од Јужноафриканската Република.
Преработениот Golf може да издржи напади од повеќето оружја што најчесто се користат за време на напади и обиди за киднапирање. Степенот на заштита за кој станува збор е Б4, кој обезбедува основна заштита од муниција од пиштоли и пушки.
Преработката вклучува замена на сите прозорци со балистичко стакло Optima, додека страничните панели, покривот, носачите и задните седишта се покриени со заштитна балистичка ткаенина. Автомобилот е опремен и со радио систем „push-to talk“.
Оклопниот Golf 8 GTI, придвижуван од 2.0 TSI со 241 КС и 370 Nm, чини околу 100.000 евра со целата опрема. Во моментов се достапни две копии.
Посебно е интересно што Golf по модификацијата тежи само околу 180 килограми, така што нема никакви последици во однос на перформансите, а не се потребни ниту модификации на суспензијата и сопирачките. Можеби најнеобично од се е тоа што автомобилот изгледа како сосема обичен голф, па како таков не се истакнува на патот.