Во овој дел од градот лоцирани се повеќе клучни објекти, државни и локални институции и установи.

Вработените во институциите лоцирани на улицита „11 Октомври“ потврдуваат дека се на своите работни места и оти работата тече непречено, но со возила не е дозволено движење.

Портпатролот на МВР Иво Котевски за МИА информира дека се преземаат само мерки за безбедност во Куманово. Локалните медиуми пренесуваат дека им било казано дека сатнува збор за превентивни мерки , без детални објаснувања.

Минатиот викенд во кумановската населба „Тоде Мендол“  полицијата спроведе акција за разбирање терористичка група. Во 28 часовната акција беа ликвидирани 14 терористи, 30 беа приведени и за нив е одреден 30 дневен притвор и е почната истражна постапка.  Во тек на акцијата загинаа 8 полицајци, а 37 беа повредени. Комисија составена од претставници на Владата и на Општина Куманово  почна проценка на штетите на домовите на населението во „Тоде Мендол“ кое беше евакуирано во акцијата. Владата најави 100 процентно покривање на штетите