95
Холивудскиот актер Бред Пит поднесе тужба за заедничко старателство над нивните деца со Анџелина Џоли, со која е во процес на развод, пренесоа светските агенции.
Од документите поднесени во судот од адвокатите на Пит како одговор на барањето на Џоли за раскинување на бракот им станува јасно дека актерот не е задоволен од претензиите за самостојно старателство над децата и сака еднакви права во одгледувањето.
Анџелина Џоли и Бред Пит беа заедно 12 години. Актерката поднесе барање за раскинување на нивниот две годишен брак на 20 септември.
Во тужбата за развод холивудската ѕвезда инсистираше на целосно старателство над трите биолошки и трите посвоени деца на поранешната двојка на возраст меѓу 8 и 15 години.