Рускиот гасен гигант “Газпром” се закани дека може да ги намали испораките на гас за Украина во рамките на два дена откако Киев не платил, соопштува АФП.

Изјавата од “Газпром” доаѓа само неколку часа пред средбата на министрите за надворешни работи на Русија, Украина, Германија и Франција во Париз. Во исто време украинската гасна компанија “Нафтогас” тврди дека руската компанија не доставила гас, за кој Украина веќе платила.

Според шефот на “Газпром” Алексеј Милер Киев не направила аконтација за гасот. “Тоа до два дена ќе доведе до целосен прекин на снабдувањето, што создава сериозни ризици за транзитот на гас кон Европа”, изјави Милер.

Испораката на гас за Украина е витални не само за обезбедување на греење и енергија во текот на зимата, но и поради клучната улога на Украина како транзитна точка за рускиот гас кон Европа.

Земјите од Европската унија покриваат една третина од потребите на сметка на увозот на руски природен гас. Половина од овие количини се транзитирање во украинската мрежа на природен гас. За да ги намали транзитните ризици Москва нуди изградбата на гасоводот “Турски поток” со капацитет од 63 милијарди кубни метри гас и центар на грчко-турската граница.