Со особено внимание следиме се што се случува во вашата земја. Посакуваме внатреполитичката ситуација во Македонија да се развива согласно Уставот и демократските принципи. Уверен сум дека вашето искуство, вашето влијание и авторитет ќе придонесе за тоа, истакна претседателот на Руската Федерација Владимир Путин на средбата со македонскиот претседател Ѓорге Иванов денеска во Москва.
Тој изрази задоволство дека македонско-руските односи се унапредуваат и, како што рече, има позитивно движење во економската размена.
Рускиот лидер изрази увереност дека искуството на Иванов, неговото влијание и неговиот авторитет ќе придонесат за развојот на политичката ситуација во Македонија на уставно поле. Путин истакна неговиот колега пристигна во Русија по повод врачувањето на наградата на православниот фонд „За единство на православната култура“.
„Сакам да ви ја честитам наградата, ниe сме свесни дека благодарение на она што сега беше кажано, нас нѐ врзуваат посебни односи“, изјави рускиот лидер.
Путин, исто така, рече дека билатералните односи меѓу двете земји се развиваат и има позитивни промени, пренесува ТАСС.
Иванов вчера од Патријархот на Руската православна црква Кирил доби награда.