Првиот воз од новата железничка пруга меѓу Кина и Велика Британија пристигна денеска во Лондон по минати 12.000 километри. Постигнувањето се смета за уште еден чекор во напорите на Пекинг да изгради трговски врски во цела Евроазија.
Возот пристигна во Баркинг во Источен Лондон по 18 дена патување од Иву – град во источна Кина, каде што има големи магацини за големопродажба. Композицијата мина низ Казахстан, Русија, Белорусија, Полска, Германија, Белгија и Франција, по што премина во тунелот под Ламанш.
Ако товарот беше испратен со брод, пловењето ќе потраеше два пати повеќе време.
На платформите имаше 68 по 20-метарски контејнери полни со ситна стоки, вклучувајќи апарати за домаќинството опрема, облека, текстил, торби и куфери.
Услугата е на компанијата Yiwu Timex Industrial Investment, а Лондон станува 15-тиот европски град со директна железничка врска со Кина од 2013 година. Тоа е дел од најголемата кинеска државна иницијатива “Една зона, еден пат”, познат како Новиот пат на свилата.
Премиерот Тереза Меј ги коментираше односите со Кина кои остануваат “златни”. Владата и ‘се обидува да привлече во земјата милијарди долари кинески инвестиции, додека Лондон се подготвува да го напушти единствениот пазар на Европската унија.