Војската на Израел објави дека пронашла складиште со оружје на Хамас по рацијата во тунелот под болница во Газа. Портпаролот на израелските одбранбени сили (ИДФ), контраадмирал Даниел Хагари, изјави дека откритието било направено во детската болница Рантиси само еден ден откако биле евакуирани последните пациенти.
Болниците се во центарот на војната во последните денови. Хамас тврди дека не ги користи болниците како бази за своите операции.
Болницата Рантиси остана без гориво минатата недела, а Израел им нареди на луѓето да ја напуштат додека ја продолжува копнената операција.
Во изјава за новинарите од Тел Авив, контраадмиралот Хагари рече дека во подрумот биле пронајдени „команден и контролен центар на Хамас, самоубиствени елеци, гранати, автомати АК-47, експлозивни направи, РПГ и друго оружје“.
„Најдовме и знаци кои покажуваат дека Хамас овде држел заложници“, рече тој.
EXCLUSIVE RAW FOOTAGE: Watch IDF Spokesperson RAdm. Daniel Hagari walk through one of Hamas' subterranean terrorist tunnels—only to exit in Gaza's Rantisi hospital on the other side.
Inside these tunnels, Hamas terrorists hide, operate and hold Israeli hostages against their… pic.twitter.com/Nx4lVrvSXH
— Israel Defense Forces (@IDF) November 13, 2023