Тренерот на Јувентус, Масимилијано Алегри ги сподели своите очекувања за претстојното финале во Купот на Италија против Интер.
Двата тима ќе се сретнат на „Олимпико“ вечерва, а тимот од Торино се обидува да го одбрани трофејот освоен минатата сезона.
Стручњакот верува дека ќе има неизвесен натпревар, а неговиот тим ќе мора да биде трпелив за да победи.
„Очекувам да биде добар натпревар. Интер е тежок противник и ќе мораме да бидеме трпеливи. Фудбалот е чуден ако падне ран гол, може целосно да го смени текот на натпреварот. Ќе се обидеме да прикажеме добра игра и да го подигнеме трофејот. Имам неколку идеи за почетниот состав, но ќе одлучам наутро или навечер пред натпреварот. Ќе играат Џорџо Киелини и Матијас Перин, како и Дибала. За останатите ќе видиме“, изјави Алегри.
Јувентус има освоено барем еден трофеј во последните 10 сезони и Алегри сигурно не сака да биде причина за прекин на оваа традиција.
„Секако дека финалињата се секогаш важни и сакаме да победиме. Дали ќе играме со тројца во одбраната? Ќе видиме, но играчите знаат како да се прилагодат на двете шеми на игра“, изјави селекторот.