По долги преговори, Челзи доби позитивен одговор од Милан од тимот на Интер и ќе го донесе најдобриот играч од минатата сезона во Серија А, Ромелу Лукаку.
Како што пишува италијанска „Република“, Белгиецот ќе се приклучи на редовите на лондонскиот клуб во трансфер вреден 128 милиони евра, од кои осум милиони се бонуси.
Оваа вест ја потврди и специјализираниот фудбалски новинар Фабрицио Романо, кој тврди дека Лукаку ќе добива 12 милиони евра по сезона во Челзи.
Интер ја прифати понудата на Челзи, кој веќе извесно време е во акција за доведување на Белгиецот во своите редови, откако пропадна нивниот обид да го доведат Ерлинг Холан од Борусија Дортмунд.
Лукаку на тој начин се враќа во редовите на клубот каде што не ја доби вистинската можност, бидејќи за време на неговиот прв мандат во период од три години пред да замине во Евертон, тој потроши повеќе време на позајмица, а за лондонскиот клуб одигра само десет натпревари и не постигна ниту еден гол.
Интер ќе се обиде како замена да го доведе напаѓачот на Аталанта, Дуван Запата.
Chelsea are getting confident to sign Lukaku soon. Direct talks with Inter, new official bid coming. €12m net per season + add ons offered to Romelu who’s open to re-join Chelsea 🔵 #CFC
Inter are considering Duván Zapata as replacement – and Atalanta will go for Tammy Abraham.
— Fabrizio Romano (@FabrizioRomano) August 4, 2021