Собирот на демонстранти започна на плоштадот близу парламентот во Лондон како знак на солидарност со протестите против полициската бруталност во САД, но и како знак на протест поради полициското насилство и расизмот во Велика Британија.
Илјадници луѓе се собраа на плоштадот со транспаренти на кои пишуваше „животите на црните луѓе се важни“, „Стоп за полициската бруталност“ и „Велика Британија не е невина“.
Британскиот весник „Стандард“ објави дека околу 1.000 клекнале и молчеле една минута во центарот на Лондон.
Собраните извикуваа „Нема правда, нема мир“ и името на Џорџ Флојд.
Протестите ги организираше Движењето за животите на темнокожите.
Освен Лондон, протести се планирани во Манчестер, Кардиф, Шефилд и во други градови.
Протестите против полициската бруталност првично избија во Соединетите држави по смртта на Флојд, кој почина за време на апсење во Минеаполис, откако полицаец го држеше коленото на неговиот врат скоро девет минути, иако повеќепати рече дека не може да дише.
По Минеаполис, протестите и немирите се раширија насекаде во Соединетите држави.
LOOK: Aerial footage shows thousands of people gathered in London's Parliament Square to protest against George Floyd's death and police brutality #BlackLivesMatter pic.twitter.com/XySpdlrYSP
— Bloomberg QuickTake (@QuickTake) June 6, 2020