Товарниот брод Ever given кој е заглавен во Суецкиот канал скоро една недела, започна да се движи, објави компанијата Inchcape shipping.
„Ever given утрово во 4.30 часот беше успешно вратен на својата соодветна позиција и моментално е безбеден“, соопшти компанијата на својот профил на Твитер.
Порталите за следење на поморскиот сообраќај покажуваат дека брод од 200.000 тони се оддалечил од западната страна на каналот, еден од најголемите водени патишта во светот.
The MV Ever Given was successfully re-floated at 04:30 lt 29/03/2021. She is being secured at the moment. More information about next steps will follow once they are known. #suezcanel #maritime pic.twitter.com/f3iuYYiRRi
— Inchcape Shipping (@Inchcape_SS) March 29, 2021
Долг колку четири фудбалски игралишта, товарниот брод кој превезува товар помеѓу Азија и Европа, се насука во вторникот во тесниот вештачки канал кој ја дели континентална Африка од Синајскиот полуостров.
Бродот престана да се движи низ каналот, каде поминува повеќе од 10 отсто од меѓународната поморска трговија. Секој ден од блокадата носи големи доцнења и трошоци за секторот.
Повеќе од 300 бродови чекаат на двата краја на каналот кој ги поврзува Црвеното Море и Медитеранот.