110
Социјалдемократскиот сојуз за вечер закажа седница на Централниот одбор на партијата на која ќе се одлучува кога ќе бидат објавени компромитирачките материјали кои ги поседуваат за власта.
Извесно е дека ќе ја добие поддршката од членовите, но неизвесно е дали ќе ја обелодени стратегијата како и кога ќе бидат објавени материјалите.
Дел од членовите на Централниот одбор, за 24 Вести најавуваат дека планираат доколку има атмосфера за дебата, од лидерот Заев да побараат одговори за досегашното тактизирање со објавувањето на документите, со кое како што велат, опозицијата од офанзива се пресели во дефанзива, како и отчет што барал и зошто Заев решил да го извести лично Груевски за материјалите кои ги поседува и со која цел, како што велат, преговарал со премиерот.