Руби Налдрет, која е задолжена за социјалните мрежи на британскиот таблоид Дејли Мирор, на својот Х профил ја сподели својата теорија за контроверзната фотографија која Кејт Мидлтон ја објави на Денот на мајката. По деталното набљудување и самата потврди дека е дигитално манипулирана, а нашла и фотографија од Кејт Мидлтон за која е сигурна дека е искористена во последната.
Таа тврди дека принцезата од Велс користела фотографија од снимањето на Вог во 2016 година и ја поткрепила со фотографии.
„Мојата анализа на фотосагата на Кејт Мидлтон вели дека таа го „зела“ своето лице од насловната страница на „Вог“ што ја сними пред неколку години, а потоа го уредила“, објасни Налдрет во твитот што оттогаш стана вирален и е прегледан над 35 милиони пати за неколку часа.
Во објавата таа вклучи и насловна страница на Vogue снимена пред осум години, а покрај неа семејниот портрет на Кејт Мидлтон, кој Кенсингтонската палата го објави во неделата по повод Денот на мајката.
my analysis of the kate middleton photo saga is that they took her face from the vogue cover she did years ago and edited it in pic.twitter.com/JLXts08zp5
— Ruby Naldrett (@rubynaldrett) March 11, 2024
„Затоа нејзината коса е матна и проѕирна затоа што на тоа место шеширот ја „сплеска“, е еден од коментарите на објавата на Руби Налдрет.
Сепак, не сите се толку убедени во нејзината теорија. Напротив, има значителен број на оние кои се скептични.
„Нема сличност таму. Тоа е само исто лице со иста насмевка затоа што тоа е истата личност. Не е ни оддалеку слично“, пишуваат на социјалните мрежи.
Спорната фотографија и понатаму предизвикува голема врева, особено во Велика Британија, каде јавноста не ја крие загриженоста за се што се случува околу Кејт Мидлтон.