„Крај Вардар веќе победнички креваат раце, но предвидувам дека тоа е пирова победа. Но, како и обично, тие воопшто не ја слушаат бугарската страна“, смета бугарскиот европратеник Ангел Џамбаски, коментирајќи ги последните случувања на релација Скопје-Софија и средбата на двајцата претседатели Пендароски и Радев.
Според него, „на Македонија ѝ било кажано дека Бугарија е подготвена да го продолжи дијалогот“.
„Дијалог, а не договор за нивните луди работи. Им беше кажано дека поддршката на ЕУ е важна, но најважна е поддршката на Бугарија, а за да ја добијат, тие конечно мора да започнат преговори со нас и да престанат со тактиките на Тито“, стои во објавата на Фејсбук на Џамбаски.
За европратеникот, со признанието на претседателот Радев дека ќе има напредок во преговорите со Македонија во јуни, „во Скопје се случила медиумска и политичка преродба“.
Се зборуваше и за укинување на ветото без „понижување никого“. Сепак, вистината е поинаква – дури и да се најде таква формула, во која силно се сомневам, нема да помине без понижување. Бидејќи Бугарија веќе повеќепати се обидуваше да биде понижена, не само од медиумите и бугарските хејтери во РСМ, туку и од луѓе на највисокото ниво. Сите овие активности одговараат на болшевичкиот систем, но не и на премиерот на земјата-кандидат за ЕУ“, пишува Џамбаски.