Епидемиологот Предраг Кон рече дека се наоѓаме во неделен максимум кога станува збор за зголемување на бројот на новозаразени и искоментира што може да се очекува по пикот на коронавирусот за четири до пет дена.
– Ние сме во недела на максимумот, тоа е она што сега може да се процени. По оваа недела можеме да очекуваме постепено да го почувствуваме намалувањето на бројот на новозаболени со примена на мерките. Интензитетот на пренесување на вирусот во Белград е во својот максимум уште од самиот почеток на епидемијата – рече Кон.
Тој ги коментираше и новите најавени мерки за Белград.
– Најосновната мерка е користење на маска во затворен простор со обврска и казна, затоа што целосно го спречува преносот на вирусот во затворен простор. Ќе има и ограничување на јавните собири нс 100 лица во затворени простории и 500 на отворено, како што препорача Кризниот штаб. Што се однесува до кафулињата, тие ќе работат до 23 часот, а ноќните клубови ќе бидат затворени. Мерките се ограничени на 14 дена и нивниот придонес ќе влијае во намалувањето на преносот на вирусот и состојбата ќе се следи – посочи Кон.
Тој рече дека стручните лица не разгледале построги мерки, доколку овие не дадат резултати.
– Доколку мерките не дадат резултати, ние не разгледавме таква можност да се преземат построги мерки. Доколку се преземат овие мерки, скоро постои теоретска можност дека ќе има зголемување, односно шансите се многу мали. Ако секој носи маска, преносот на вирусот се намалува за 99%, а тоа е доволна мерка за значително олеснување на оваа состојба и да нè извлече од неповолната состојба – објаснува Кон.