183
Министерот за здравство, Венко Филипче вечерва во интервју за „360 Степени“ изјави дека во болницата „Систина“ има таков единствен тип на тестови коишто ги детектираат антителата, но не и самиот вирус.
На прашањето дали е точно дека ако тестот се направи во одреден период од развојот на болеста, дека може да детектира и присуство на вирусот, Филипче вели: „Да, но тој треба да се докаже со посебен тест. Во таа смисла детектирањето на вирусот кај носителот, кај пациент, значи дека тој е позитивен, дека тој може да ја шири болеста и во таа смисла, само тие пациенти влегуваат во статистиката како заболени пациенти од тој вирус“.