„Потребен ни е претседател кој се залага за Косово и кој може адекватно да се соочи со агресивниот противник, Србија“, рече денеска лидерот на Алијансата за иднината на Косово и кандидат на партијата за нов претседател на Косово, Рамуш Харадинај.
Како што објави Коссев, во неговата реакција на „провокативните изјави на Вучиќ“, тој оценил дека „агресивниот сосед се враќа на заканите“ за Косово.
„Се чувствува силен сега кога Косово има падната влада и слаб претседател“, напишал Харадинај на Фејсбук.
Во исто време, Харадинај го наведе она што го смета за успех на неговата политика, но исто така даде и ново ветување.
„Додека бев премиер, создадовме армија, и покрај противењето на нашиот сосед, а во мојот претседателски мандат Косово ќе стане дел од НАТО“, рече Харадинај, додавајќи дека членството во НАТО е клучот за безбедноста и мирот во регионот и најдобриот одговор на изјавите на Вучиќ.
Иако Харадинај не прецизираше на која од изјавите на Вучиќ реагира, претседателот на Србија синоќа гостувајќи во една емисија, меѓу другото изјави дека Албанците и Европејците сакаат пораз на Србија.
Исто така, на прашањето за можната примање на Косово во УНЕСКО, тој им порача на Косово и на земјите кои ја поддржуваат независноста на Косово да ги почитуваат потпишаните договори.
„Им се обраќам на нивните ментори кои ја направија т.н. државата. Па, бидејќи е така, ако не се придржуваат до договорот, ве известувам, ќе се соочите со бројни изненадувања, позитивни за нашиот народ, а не сум сигурен дека ќе реагирате толку позитивно “.