Минатиот викенд на интимна церемонија во нивниот дом во Масачусетс, Крис Еванс и Алба Баптиста ја легализираа својата врска. Сакајќи се да остане во најголема тајност, гостите ветија дека ќе молчат, а мобилните телефони им беа забранети.
Популарниот „Капетан Америка“ повеќе не е „на пазарот“ и е отстранет од листата на најпосакувани холивудски ергени. 42-годишниот маж минатиот викенд ја однесе пред олтарот 26-годишната девојка со која е во врска извесно време.
Интимната венчавка, на која присуствувала избрана група на луѓе, била одржана во нивниот дом во близина на Бостон, во американската држава Масачусетс. На сите на свадбата им било забрането да носат мобилни телефони, за да не протекуваат детали во јавноста.
Наводно, меѓу гостите имало и некои од колегите на Еванс од „Марвел“, како Роберт Дауни Џуниор, Крис Хемсворт и Џереми Рејнер.
За врската меѓу Крис Еванс и младата португалска актерка почна да се зборува во 2022 година, не долго откако беше прогласен за најсекси маж на светот.
И додека речиси се е познато за кариерата на Еванс, 26-годишната актерка најмногу работеше на португалски филмски и сериски проекти, но во 2020 година се испроба на снимањето на серијата „Warrior Nun“ на Нетфликс. Покрај мајчиниот португалски, таа зборува и англиски, шпански, француски и германски, што би можело да и биде отскочна даска за поголеми актерски ангажмани.