Најмалку 83 лица загинаа во разорното торнадо во пет сојузни држави во САД, покажува новиот официјален биланс на американските власти.
Најтешко беше погодена државата Кентаки, а торнадото вчера ги погоди Арканзас, Мисури, Илиноис и Тенеси.
Гувернерот на Кентаки, Енди Башир, потврди дека во Кентаки загинале 70 луѓе и дека стравува дека билансот може да биде 100.
Американскиот претседател Џо Бајден изјави дека се случила „незамислива трагедија“.
Тој на Твитер изјави дека ги следи настаните и дека е во контакт со гувернерите на погодените земји.
Оштетени се фабриката за свеќи во Кентаки, складиштето на Амазон во државата Илиноис, домот за стари лица во Арказас и многу домови и згради.
Првиот човек на Амазон, Џеф Безос, на Твитер изрази сочувство поради смртта на шестмина работници во магацинот на компанијата недалеку од Едвардсвил.