Менаџерот на Ливерпул, Јирген Клоп, ексклузивно зборуваше за Sky Sports денови пред големото дерби од колото меѓу неговиот тим и актуелниот англиски шампион Манчестер Сити. Германецот љубопитно му одговори на новинарот за неговата иднина.
Јасно е дека нема да продолжи на „Енфилд“ по завршувањето на сезоната, откако Клоп во јануари најави дека ќе го напушти Ливерпул. Репортерот го употреби зборот „откажување“ од фудбалот, а потоа следеше одговорот на стручњакот роден во Штутгарт.
„Мислам дека некои луѓе го користеа тој збор (откажување) кога го објавив на клупските канали. Можеби тогаш така беше прифатено, но јас само се тргам настрана. Тоа е идејата“, енигматично изјави Клоп.
Со тоа стана јасно дека не е малку веројатно во одреден момент повторно да го видиме харизматичниот тренер на клупата, но каде е друго прашање. Најголемиот сон на германската фудбалска федерација е тој да ги преземе „панцирите“ и да ја води Германија на Светското првенство во САД, Канада и Мексико во 2026 година.