За само неколку часа на два колеџа во САД се случија два крвави инциденти. Првиот се случи во кампусот на Универзитетот во Илиноис, каде дошло до пукање, а другиот во близина на колеџот Емерсон во Бостон, каде шест лица се избодени, јавуваат локалните медиуми. Неколку часа претходни три вооружени лица ранија осум лица во Балтимор, меѓу кои и едно тригодишно девојче на улица на истокот на градот. Напаѓачите се во бегство.
„Раша тудеј“ пренесува дека на кампусот на Универзитетот во Илиноис се испукани девет куршуми, по што напаѓачот побегнал.
Локалниот весник „Дејли Илини“ наведува дека истрагата е во тек и оти полицијата не соопштува детали.
Повеќето корисници на социјалните мрежи јавуваат дека девет лица се убиени, но засега нема официјална потврда за жртви, пишува „Раша тудеј“.
The scene at 4th and Green. An alert was sent to students about shots fired between 3rd and 4th streets in Champaign pic.twitter.com/zBJZAgTYWS
— Masaki Sugimoto (@MasakiSugimoto) September 25, 2016
Пукотницата се случила пред поштата, односно еден блок подалеку од популарното кафуле на кампусот, наречено „Црвен лав“.
Локалната полиција наведува дека истрагата е во тек и оти нема да открива детали за пукањето.
@Neumannthehuman one was run over with car
— #ImNotPaidIHate4Free (@MuffinAndElliot) September 25, 2016
Шест лица се избодени во Тремонт улицата во Бостон, јавуваат локалните медиуми, Колеџот „Емерсон“ ги предупреди студентите, бидејќи двајцата напаѓачи се на слобода, а местото на инцидентот е во близина на кампусот.
Весникот „Бостон глоуб“ јавува дека една од жртвите е во критична состојба и оти врз неа се врши хируршки зафат.
Во меѓувреме полицијата соопшти дека еден од осомничените напаѓачи е уапсен.
BREAKING: Crime scene on Tremont Street in the Theater District. More: https://t.co/RZZuowtVhu pic.twitter.com/OZFnc8lVsu
— The Boston Globe (@BostonGlobe) September 25, 2016
Нападот се случил два часа по полноќ. Властите наведуваат дека дел од повредените се избодени со нож, а дел се избодени со скршено шише.