306
Лава започна да истекува од југоисточниот кратер на планината Етна во вторникот, открија истражувачите од Националниот институт за геофизика и вулканологија на планината Етна.
Два нови изливни отвора беа отворени вчера попладне на страната на југоисточниот кратер на вулканот Етна. Првиот е на надморска височина од околу 3.250 метри, а вториот, понизок, на околу 2.800 метри.
Лавата исфрлена од Етна е видлива и во вселената, благодарение на сателитските снимки.
Станува збор за сателитот Сентинел 2, кој е првиот оптички сателит за набљудување на Земјата во европската програма Коперник.