Лидерите на Европската унија денеска се договорија да ги продолжат економските санкции кон Русија до крајот на јануари следната година поради анексијата на Крим во 2014 година и немири во источна Украина, јави „Вијести“.
ЕУ воведе санкции кон Русија за енергетскиот, финансискиот и секторот за производство на оружје, поради улогата на Москва во конфликтот во Украина, и ги продолжи неколку пати затоа што Крим одби да ја врати територијата на Украина, а во источна Украина се случи и конфликт.
На самитот на лидерите на ЕУ во денеска, беше договорено да се продолжат санкциите за уште шест месеци од крајот на јули, изјави претседателот на состанокот Чарлс Мишел, пренесе „Ројтерс“.
Официјален Киев го поздрави чекорот, изјавувајќи дека санкциите не треба да бидат укинати сè додека не се почитува мировниот договор за источна Украина.
– Од 2014 година, политиката на санкции на ЕУ помага во спречување на руската агресија против Украина. Санкциите испраќаат јасен сигнал: Русија мора целосно да го спроведе мировниот договор – рече украинскиот министер за надворешни работи Дмитро Кулеба.