Повеќе од еден век луѓето ширум светот го слават 8 март како Меѓународен ден на жените.
Како започна се?
Меѓународниот ден на жената произлегол од работничко движење и беше признат од Обединетите нации како годишен настан.
Семето на неговото создавање било посеано во 1908 година, кога 15.000 жени излегле на прошетка ширум Њујорк барајќи пократко работно време, повисоки плати и право на глас.
Една година подоцна, Социјалистичката партија на Америка го прогласи првиот Национален ден на жената.
Идејата да се воспостави меѓународен празник потекнува од жена по име Клара Четкин, комунистка и борец за правата на жените.
Таа го предложила тоа во 1910 година на Меѓународната женска конференција во Копенхаген.
На конференцијата присуствувале 100 жени од 17 земји во светот и тие едногласно го прифатиле предлогот.
На меѓународно ниво, Денот на жената првпат беше прославен во 1911 година во Австрија, Данска, Германија и Швајцарија.
Стогодишнината од прославата беше прославена во 2011 година.
Сè беше официјализирано кога Обединетите нации почнаа да го слават овој ден во 1975 година.
Првиот слоган усвоен од Обединетите нации во 1996 година беше „Го славиме минатото, ја планираме иднината“.
Меѓународниот ден на жената стана повод да се прослави колку жените постигнале во општеството, политиката и економијата.
Поради политичките корени на овој ден, се организираат штрајкови и протести за да се укаже на сè уште присутната нееднаквост.
Зошто токму 8 март?
Првичната идеја на Клара не вклучувала фиксен датум.
Датумот бил избран по штрајкот организиран за време на Првата светска војна во 1917 година, кога Русинките барале „леб и мир“ – и по четири дена, царот бил принуден да абдицира, а Привремената влада им дала на жените право на глас.
Датумот кога се одржал штрајкот на жените според јулијанскиот календар, кој тогаш се користел во Русија, бил 23 февруари, недела.
Овој датум е 8 март во Грегоријанскиот календар.