Најчесто, поради вљубеноста, ние го идеализираме нашиот партнер и не забележуваме никакви негативни однесувања, кои потенцијално можат да бидат штетни за врската, па дури и за нашето ментално здравје. Откријте подолу што не треба да игнорирате во врската!
Врски: Што не смее да се игнорира?
1 Пребрзи и прерани одлуки
На почетокот на врската, најпрво ги гледаме најубавите страни, како на самата врска, така и на партнерот како личност. Затоа, рано е за одлуки како што се заеднички живот, брак и основање семејство. Експертите се согласуваат дека само по година и пол до две можеме вистински да кажеме дека го познаваме нашиот партнер. Дотогаш, совет е сепак да бидете внимателни.
2. Гледање преку розови очила
Ова не значи само едноставно преувеличување на добрите карактеристики на партнерот, туку и додавање на доблести што таа личност всушност ги нема. Наместо реално да ја разгледуваме ситуацијата, ние веруваме дека нашиот партнер е идеален и супериорен. Во одреден момент, недостатоците ќе се појават и тогаш ќе сфатите дека таа личност сепак не е совршена.
3. Изливи на бес
Ако вашиот партнер му се развика на келнерот затоа што ја погрешил нарачката, тоа е огромен знак за „узбуна“. Можеби има проблеми со регулирање на бесот и во одреден момент може да стане агресивен.
4. Непочитување
Запрашајте се како се однесува вашиот партнер кон вас? Дали ве зема здраво за готово? Дали го омаловажува вашето мислење? Дали тој донесува важни одлуки без да ве консултира? Сите овие се загрижувачки знаци, бидејќи во тој случај не сте приоритет на партнерот. Ниту една врска не е совршена, но не смеете да си дозволите да се чувствувате помалку вредни во ниту еден момент.
5. Време за себе
Лице кое го бара вашето целосно внимание може да стане посесивно или љубоморно. На секој му треба време за себе и не мора да правите сè заедно. Инсистирањето на тоа може да биде големо „црвено светло“.
6. Пазете се од манипулации!
Ако на почетокот на врската чувствувате вина, страв или обврска да направите нешто, големи се шансите дека партнерот ве манипулира. Размислете што сакате и не ги оставајте вашите потреби настрана.
7. Различни интереси
Можеби имате различни музички вкусови или избор на храна, но важните цели, како што се штедење, создавање семејство итн. тие мора да бидат исти. Затоа, на самиот почеток на врската, треба да ги разјасните овие прашања преку разговор.
8. Семејството и пријателите
Лице кое не ве запознало со своето семејство и пријатели и прави сè што е можно за да помине што е можно помалку време со нив покренува сомнеж и ова може да биде валидна причина за загриженост. Изолацијата не е форма на ласкање, но може да биде сигнал за опасност. Исто така, не дозволувајте вашиот партнер да ве одвлекува од вашите пријатели и семејство.