Возрасните со прекумерна тежина често страдаат од болка во колената, а според новата студија за намалување на овие артритични болки, потребно е токму намалување на телесната тежина, вели УПИ.
Според д-р Матеј Хепистол од Њујоршката болница “Леннокс Хил”, резултатите од студијата се додаваат само на оние од претходните студии. Јасно е дека губењето на тежината е еден од ретките ефективни нехируршки методи за намалување на болката кај пациенти со прекумерна тежина кои се зафатени со остеоартритис на коленото.
Екипата на Стивен Меси од Универзитетот “Остров Вејк Форест” утврдила дека загубата на 10 и повеќе проценти од телесната тежина за 18-месечен период води до 50-процентно намалување на болката и до значително зголемување на мобилноста на луѓето погодени од артритични болки во колената.
Поголемото губење на телесна тежина е поврзано со подобри резултати за погодените од остеоартритис на коленото пациенти кои се со прекумерна тежина или дебели.
Откако истражувале податоци за 240 пациенти, научниците констатирале дека загубата на 20 и повеќе проценти од телесната тежина доведува до дополнително 25-процентно намалување на болката.
Се покажало дека пациентите се исто со подобрени физички карактеристики во споредба со луѓето кои загубиле само 10 проценти од телесната тежина во текот на истражувањето.
Колку повеќе килограми се отстранети, толку е подобар квалитетот на животот поврзан со физичкото и менталното здравје.