Нема примирје, војната трае: Десетици цивили убиени во ракетен напад во Азербејџан

од Берта Китинска

Во текот на ноќта, ерменската армија изврши ракетен напад врз вториот по големина азербејџански град Гања.

Градот Степанакерт во Нагорно Карабах бил бомбардиран двапати во последните 24 часа, а според достапните информации од местото на настанот, се слушнале четири експлозии. Во исто време, Гања, вториот по големина град во Азербејџан, вечерва повторно беше ракетиран.

Во Степанакерт, најголемиот град во регионот Нагорно Карабах, синоќа се огласи сирена за воздушен напад, а околу 40 минути подоцна избувнаа четири експлозии во градот.Околу еден час по полноќ по локално време, Гања, вториот по големина град во Азербејџан.

Во нападот загинаа 12 лица, беа ранети повеќе од 40 лица и беше предизвикана значителна штета на инфраструктурата, се вели во соопштението на Државното обвинителство на Азербејџан.

Судирите околу Нагорно Карабах не запираат и покрај договореното примирје потпишано во Москва минатата недела.

Најлошите конфликти во Јужен Кавказ откако Ерменија и Азербејџан се бореа околу енклавата во 90-тите години на минатиот век, траат со недели, а на регионот Нагорно Карабах му се заканува хуманитарна катастрофа.

loading...

Слични содржини