Американката беше застрелана додека се обидувала да отстрани нацистичко знаме од двор во државата Оклахома.
Кабинетот на Шерифот на округот Гарфилд соопшти дека жената била на забава во близина кога таа отстранила едно од двете знамиња пред куќата на Александар Фистер.
Фистер (44) ја застрелал во грб со полуавтоматска пушка додека бегала.
Се очекува 26-годишната жена да се опорави од повредите, а Фистер е во притвор.
Шерифот Џоди Хелм изјави дека жената е пронајдена како лежи со четири рани од куршум.
Хелм првично рече дека жената се обидела да го украде знамето украсено со свастика, но во интервју за NBC News, таа рече дека има „спротивставени информации“ во врска со мотивите на жената.
Во изјавата за NBC News се вели дека „неколку“ камери во куќата на Фистер покажале дека тој пукал кон жената „без предупредување“.
Фистер е приведен во притвор без инциденти. Тој е обвинет за напад со смртоносно оружје, за пукање со намера за убиство, а тој треба да се појави на суд на 9 јули.
Еден од соседите за локалното радио КФОР изјави дека ги држел знамињата околу една година и дека биле украдени од него неколку пати.
Тој додава дека Фистер носел црна униформа со црвена лента и свастика – облека што потсетува на нацистичките униформи на СС. Но, соседите рекоа дека тој најмногу ги задржува овие идеи за себе.
Друга жена и пријател на жртвата изјавија дека претходно немало проблеми со Фистер, но дека неговите знамиња биле причина за загриженост.
„Чувствувам дека овие знамиња се поставени и како да чекаат да се случи катастрофа“, изјави сосед за Енид Њуз и Игл.