Орбан за барателите на азил во Европската унија: Ова е црвената линија

Унгарскиот премиер Виктор Орбан изјави денеска дека барателите на азил во Европската унија мора да останат надвор од неа додека не се донесе одлука за ова прашање.

– Ако не сме доволно храбри да кажеме дека секој мора да остане надвор од границите додека се носи одлука за нивниот случај, тогаш без разлика на сите други одлуки тоа нема да успее, рече Орбан, говорејќи на јавната расправа во Европскиот парламент.

– Ова е црвена линија, ако не го направиме ова, се друго ќе остане нерешено, додаде Орбан, пренесува унгарската МТИ.