Поранешниот украински тенисер Сергеј Стаховски го привлече вниманието со објава на Твитер, каде го означи својот сонародник и колега Александар Долгополов.
Тие двајца неодамна ставија крај на играчката кариера и застанаа во одбрана на својот народ кој е во војна со Русија.
Стаховски и Долгополов земале оружје и униформи и со месеци се борат да ја спасат Украина од руските напади.
Сергеј често објавува слики и објави на социјалните мрежи, а сега реши војната да ја спореди со Вимблдон. Тој прикачи слики од Долгополов и од него заедно со Роџер Федерер на Вимблдон, но и една на која се гледа уништена зграда во еден украински град.
„Ова бевме ние порано… Сега ова е нашиот Вимблдон… Минатата ноќ беа лансирани 62 ракети за напад на различни градови во Украина“, напиша Стаховски во описот на сликите.
This used to be us…. Now this is our @Wimbledon …. Last night 62 rockets were launched to attack different cities in Ukraine.. #stoprussia #boycottrussia #helpukraine @TheDolgo 🇺🇦✊🏻 pic.twitter.com/dbTLuDRvAg
— Sergiy Stakhovsky (@Stako_tennis) June 25, 2022