Папата Франциск ги повика политичките лидери да се осигураат дека вакцините за коронавирус ќе бидат достапни и за најсиромашните земји.
Тој додаде дека во многу делови на светот постои „фармаколошка маргинализација“ на оние кои немаат пристап до здравствена заштита.
Денес Папата се состана со членови на италијанска хуманитарна група која собира лекови донирани од фармацевтски компании и ги дистрибуира на клиниките и центрите на кои им се најпотребни.
Во одредени делови на светот, рече тој, премногу луѓе умираат од недостаток на лекови, а политичките лидери мора да работат за да им помогнат на овие региони.
„Повторувам, би било тажно ако на најбогатите луѓе им се даде приоритет во дистрибуцијата на вакцината или вакцината да стане сопственост на оваа или таа нација, а не на сите“, рече папата.