Москвовската полиција заплени автомобил дизајниран по примерот на возилото на стрип јунакот Бетмен.
Автомобилот како оној од филмот Бетмен против Супермен е запленет во центарот на главниот град на Русија заради страв дека не ги исполнува безбедносните стандарди.
Овој автомобил не бил направен во фабрика, ниту поминал технички преглед и не бил регистриран.
По деталните контроли, сообраќајните полицајци одлучиле да го остранат од улица.
Полицајците соопштиле дека ниту димензиите на возилото не ги исполнуваат пропишаните критериуми.
Неименуваниот сопственик има 32 години и живее во Москва, а сега против него е покрената истрага заради сомнение дека направил три прекршоци.
Се терети за тоа што автомобилот ја нема потребната документација, димензиите се поголеми од дозволеното, а поседува и одредени карактеристики кои не се дозволени во сообраќајот.
Неодамна сличен автомобил е продаден на рускиот сајт Auto.ru.
Од Америка неодамна еден Бетмобил е извезен во Русија во 2018 година.
Во Русија му е унапредена електрониката, а како што пренесува рускиот портал РБЦ, продажната цена изнесувала 840.000 долари. Не е откриено името на купувачот.