Поради пожарот кој избувна во неделата на Родос, поголемиот дел од овој грчки остров остана без електрична енергија.
Пожарот се заканува и на воената база Каламон и селото Псинтос, од каде што сите беа евакуирани.
Пожарникарите ги повикаа и жителите на околните села и населби да се евакуираат, бидејќи пожарот може брзо да се прошири, пренесува порталот „Грчки репортер“.
Пожарот предизвика прекин на електричната енергија во поголемиот дел од островот, а услугите на мобилните оператори беа прекинати, а некои жители пријавија дека немаат вода за пиење.
Пожарот го гаснат два авиона и три хеликоптери од воздух.
Високите температури и силниот ветер го шират огнот и во други делови на Грција. Од саботата беснее шумски пожар на Пелопонез, а жителите на неколку села се евакуирани.