WinRAR е дефинитивно една од најинсталираните компјутерски програми во историјата. Популарниот софтвер за компресија на датотеки практично се користи од било кој уред во светот. Експертите во истражувањето Check Point откриле дека постоела сериозна ранливост во кодот на WinRAR кој става во ризик милиони корисници. Уште понепријатното е дека овој проблем постои 19 години и е поврзан со UNACEV2.dll библиотеката која нe добила надградба од 2005 година досега.
Според податоците на Check Point Research, оваа ранливост во теорија би дозволила на хакерите од далечина да внесат малициозен код во инфицираните уреди. Ова се случува откако корисниците ќе отворат датотека во WinRAR. Експертските тестови покажуваат дека е можно да се инсталира датотека, која содржи вирус директно во Startup папката на Windows. Да го стори тоа, дури не е неопходно да се стартува WinRAR со соодветните овластувања, извести TechSpot.
Следниот пат кога ќе го стартувате вашиот компјутер ќе ја активирате автоматски односната датотека, која така обезбедува целосна контрола над информациите на хакерите. Повеќе од 500 милиони уреди низ целиот свет биле изложени на ризика во текот на годините, според Check Point Research. Креаторите на WinRAR ја сопреле поддршката за ACE формато за архивирање пред неколку недели, на кој е базирана и UNACEV2.dll. Всушност, тоа значи дека за да се заштитите себе си, потребно е да се ажурирате до последната верзија на WinRAR.