Путин: Русија ќе настојува да стави крај на конфликтот во Украина што поскоро

Русија ќе се обиде да стави крај на конфликтот во Украина што е можно поскоро, изјави денеска рускиот претседател Владимир Путин.

Путин рече дека целта на Русија не е да поттикне воен конфликт, туку да стави крај на војната.

„Тоа е она за што се стремиме и ќе продолжиме да се стремиме кон тоа. Ќе се обидеме да го завршиме тоа што е можно поскоро“, рече Путин, говорејќи пред новинарите по состанокот на Државниот совет.