Напаѓачот на Манчестер Јунајтед, Маркус Рашфорд беше одлучувачка фигура во дуелот помеѓу „црвените ѓаволи“ и Челзи, испраќајќи го својот тим во четвртфиналето на турнирот, откако постигна два гола за конечни 2: 1. Првиот гол дојде пред паузата од пенал против Даниел Џејмс, а вториот гол беше одлична изведба од фаул, која доби голем број пофалби.
Младиот фудбалер на Јунајтед даде објаснување за голот.
„Тоа е поради топката. Се движи надолу и нагоре кога шутираш и кога тренираш. За среќа денес отиде во горниот агол. Ова е тежок натпревар и задоволни сме што заминуваме со победа од 2:0 (резултатот е всушност 2:1)“, прокоментира младиот фудбалер.
Тој, исто така, мораше да одговори на прашањата за првиот гол од пенал, кој дојде само три дена по неговото промашување против Норвич, кое, исто така, не беше прво од почетокот на сезоната.
„Треба само да го превземете чекорот. Кога ќе дојде време, само треба да се опуштите. Денес, ова ни го олесни натпреварот. Сепак, вториот гол беше пресуден, ја уби интригата во натпреварот затоа што претходно бевме во таа позиција. Имавме неколку нерешени и порази и секогаш чувствував дека втор гол ќе ги реши работите. Бевме во неволја, но кога ќе влезете во таа фаза мора да продолжите да се борите за трите бода, затоа што тоа е она што ги прави сите среќни. Кога ќе победите, можете да се разбудите со добро чувство. Сакаме да покажеме многу оваа сезона“, продолжи офанзивниот фудбалер.
„Направивме многу добра работа во текот на летото, но почетокот на сезоната не беше она што го очекувавме, но мора да се вратиме на вистинскиот пат и да започнеме да победуваме. Мислам дека ова не е ни половина од потенцијалот на овој тим. Единствениот начин да дадете 100% е да продолжите да работите. Да ги слушаме менаџерот и тренерите и да продолжиме да веруваме. Тоа го сторивме денес и вие го видовте резултатот“, заклучи Рашфорд.