Судот во Москва нареди апсење на познатиот филмски продуцент Александар Родњански и театарскиот режисер Иван Вирипајев за „ширење лажни информации“ за руската војска.
Првото судско рочиште против Родњански и Вирипајев се одржа на 27 април, но судот не го објави тоа до денеска.
Прес-службата на судот објави дека Родњански и Вирипајев, кои се надвор од Русија, ќе бидат приведени кога руските власти ќе успеат да ги приведат или кога ќе бидат екстрадирани.
Рускиот министер за внатрешни работи дополнително го стави Вирипајев на сојузна потерница, пренесува АП.
Роден во Киев, Родњански е меѓу највлијателните личности во руската кинематографија во последните децении. Тој ја напушти Русија по почетокот на нејзината инвазија на Украина во февруари 2022 година и повеќе пати отворено зборуваше против војната.
Во октомври 2022 година, министерството за правда на Русија го прогласи Родњански за „странски агент“.
Популарниот драматург, режисер и актер Вирипајев со години живее и работи во Варшава, а исто така јавно се изјасни против руската инвазија на Украина.
Откако Путин испрати војници во Украина во февруари 2022 година, властите започнаа акција против противниците, незапамтена од советската ера.