Преку таквата методологија за време на перидот од јануари 2022 година до септември 2023 година, пензиите ќе пораснат за 24 отсто, изјави денеска Елена Устамитова, претседателка на Комисијата за труд и социјална политика при СДСМ.
Додава дека по рекордното зголемување во март оваа година од 8,4 отсто, веќе од следниот месец пензиите ќе пораснат за околу 6 отсто.
Преку одговорен инклузивен пристап успеавме од 2017 година до сега минималната пензија да ја зголемиме за 46 отсто. Надоместок до пензија, а потоа и пензија обезбедивме и за стечајните работници, а за оние лице кои не ги исполнуваа условите за стекнување пензија, обезбедивме социјална пензија во висина од 6000 денари. Во време на најголема светка економска и енергетска криза, за сите 330.000 пензионери обезбедивме дополнителна финансиска помош во период од три месеци, а за пензионери со ниски пензии обезбедивме и субвенционирање на сметките за електрична енергија, истакна Устамитова, додавајќи дека сето ова се показатели за вистинската грижа за највозрасните сограѓани.
Потенцира дека СДСМ ќе продолжи со креирање и реализација на мерки што значат подобро услови за живот за пензионерите кои ја граделе оваа држава и кои заслужуваат да имаат достојна старост.