130
Шефот на шпанскиот Центар за вонредни ситуации при Министерството за здравство Фернандо Симон, кој го предводеше тимот за борба против новиот коронавирус, е позитивен на Ковид-19, соопшти неговата заменичка Mарија Хозе Сиера.
Симон одржуваше редовни контакти со шпанскиот премиер Педро Санчез.
Сиера, исто така, информираше дека е променет трендот на заболување, па сега бројот на новозаразени е за 12 отсто поголем од претходниот ден, а досега растот беше од 20 отсто.
Од првиот случај на коронавирус во Шпанија на 30 јануари, досега се потврдени 85.195 случаи на зараза. Од последиците на овој вирус во таа земја досега починаа 7.340 пациенти, а се излекуваа 16.780 лица. Од Шпанија повеќе заразени имаат само САД и Италија.