Спасовски: За 35% покачена плата и исплатени 6 бонус плати на вработените во МВР

Министерот за внатрешни работи, Оливер Спасовски се пофали на социјалните мрежи дека платата на вработените во полицијата, во изминатите шест години, се зголемила за 35% и биле исплатени 6 бонус плати.

Како што објави тој од 01.04.2016 година спроведено е зголемување на платите на вработените за 5%, започнувајќи со априлска плата. Во 2019 година од 1-ви септември реализирано е зголемување на платите за 5%.

Меѓу другото е наведено дека во 2023 година започнувајќи од 1-ви март извршено е линеарно зголемување на платите на вработените во бруто износ од 3.086,00 денари.

-Ги користиме сите можни алатки кои ни стојат на располагање, сѐ во интерес на вработените, за подобрување на социјалниот статус на полицијата, истакнал Спасовски.