Иако добрата орална хигиена е клучна за свеж здив, некои намирници можат дополнително да помогнат.
Стоматологот Дејвид Митола од Њујорк, откри за кои намирници станува збор.
1. Јаболка
Бидејќи јаболките се крцкави, тие помагаат да се отстранат бактериите и другата храна кои се заглавуваат меѓу забите, вели др. Митола.
Тие исто така содржат антиоксиданси наречени полифеноли, кои можат да го инхибираат растот на одредени бактерии и да го намалат производството на соединенија кои предизвикуваат лош здив, додаде тој.
2. Лиснат зелен зеленчук
За да го зачувате здивот свеж, можеби ќе треба да јадете разни салати што почесто.
„Лисниот зелен зеленчук како зелена салата, спанаќ и кељ содржи хлорофил, природен дезодорир што ги неутрализира лошите мириси“, вели др. Митола.
Исто така, помага во балансирање на нивото на pH, одржувајќи ја внатрешноста на устата помалку кисела, додава др. Митола. Еве зошто е тоа важно: Покиселата средина ќе доведе до сувост на устата и лош здив.
3. Магдонос, босилек и нане
Постои научна причина зошто магдоносот, босилекот и нането влијаат на свежината на вашата уста.
„Тие содржат ензими кои се врзуваат за соединенија кои содржат сулфур и помагаат во неутрализирање на мирисите“, вели др. Митола.
Покрај тоа, како јаболката, и ова растение има полифеноли, кои, како што знаеме, спречуваат развој на лоши бактерии.
4. Ѓумбир
Иако ѓумбирот е најдобро познат како природен лек за проблеми со стомакот, тој исто така може да помогне во борбата против лошиот здив.
5. Пробиотички јогурт
Веројатно сте слушнале дека пробиотиците имаат мноштво здравствени придобивки. Сега можете да додадете свеж здив на таа листа.
Имено, „пробиотскиот јогурт содржи и бактерии кои помагаат во борбата против другите бактерии во устата кои предизвикуваат лош здив“, вели др. Митола.
Само внимавајте да одберете јогурт со малку шеќер затоа што бактериите сакаат шеќер.