СВП ќе го соопшти добитникот на „Златниот венец“ за 2019

На Светскиот ден поезијата 21 Март, дирекцијата на Струшки вечери на поезијата денеска во МАНУ ќе го прогласи добитникот на „Златниот венец“ на 58-то издание на поетскиот фестивал, кој традиционално се одржува на крајот од август.

Наградата „Златен венец“ е востановена во 1966 година. До 1971 се доделувала за најдобра необјавена песна прочитана на фестивалот, а од 1971 – за целокупен поетски опус.

На лауреатот му се врачува на меѓународниот поетски митинг „Мостови“ на затворањето на Струшките вечери на поезијата.