Шпанија има најголем број случаи на мајмунски сипаници во светот, со 3.125 потврдени случаи, покажуваат податоците на Светската здравствена организација (СЗО).
„Следуваат Соединетите Американски Држави (САД) со 2.316 случаи, Германија со 2.268, Велика Британија со 2.137, Франција со 1.453 и Холандија со 712 случаи“, е наведено во друг извештај на здравствената агенција на Обединетите нации објавен во понеделникот.
Вкупниот број на случаи во 75 земји надмина 16.000 од мај, а европскиот регион се смета за најризичен во светот со 11.865 случаи.
Мајмунската сипаница е заразна болест предизвикана од вирус сличен на сипаница. Болеста е идентификувана во 1958 година во колонии на мајмуни користени за истражување. Првиот случај на мајмунска сипаница кај луѓето е забележан во 1970 година во Демократска Република Конго.
Тие се пренесуваат на луѓето преку близок контакт со заразено лице или животно. Може да започне со треска, зголемени лимфни јазли, болки во грбот и мускулите, пред да се појави осип на кожата.