Актуелно
Почетна / TOP NEWS / Температурата не е единствениот аларм дека децата имаат корона, но 2 тегоби јасно укажуваат дека детето е заразено

Температурата не е единствениот аларм дека децата имаат корона, но 2 тегоби јасно укажуваат дека детето е заразено

Во моментот, ниту едно дете во Институтот за мајка и дете „Д-р Вукан Чупиќ“ во Белград нема докажана инфекција со коронавирус. Досега имало осума, но ниту едно немало тешка клиничка слика, односно значително влошување на основната болест предизвикана од присуството на вирусот, вели за српски Телеграф проф. Д-р Владислав Вукомановиќ, педијатар-кардиолог и в.д. заменик директор на оваа здравствена установа.

Тој потсетува дека Институтот, како терцијарна установа, е назначен за прием на само најтешките пациенти со инфекција „Ковид 19“, на кои им е потребна механичка поддршка на вентилацијата и интензивната нега.

– Другите деца кај кои е откриено присуство на вирус се упатени на детското одделение при КБЦ „Д-р Драгиша Мишовиќ“. Во институтот досега се лекуваа деца на возраст од еден ден до 18 години. Имено примени се неколку новороденчиња на кои им требаше некој облик на интензивна нега и терапија, но тие наскоро беа пуштени дома, односно беа испратени и на лекување во детското одделение во Клиничката болница „Драгиша Мишовиќ“ – вели д-р Вукомановиќ.

Врската помеѓу короната и синдромот Кавасаки

Според него, децата со докажана инфекција со вирусот САРС-КоВ-2, генерално имале поблага форма на болеста, освен во неколку случаи кога станува збор за пациенти кои претходно биле болни од инфекција „Ковид-19“.

На прашањето како децата реагираат на терапијата, тој вели дека досега немале потреба да користат високо „специфична“ терапија за инфекција „Ковид-19“, иако сите лекови им се достапни, и тие се подготвени да ги користат по потреба.

Иако веста дека короната кај децата предизвикува синдром Кавасаки, проф. Вукомановиќ вели дека сè уште не може да се тврди со сигурност дека постои поврзаност помеѓу овие две болести.

Патем, во оваа здравствена установа имало две момчиња, со знаци на болест Кавасаки, кои имале антитела на коронавирусот.

– Две момчиња, адолесценти на возраст од 17 години, беа примени во Институтот пред неколку месеци со знаци на воспаление и срцева мускулна слабост, како и некои елементи што може да укажуваат на атипичен синдром Кавасаки, како црвенило, конјунктивален осип, проширување на коронарни артерии. Двете момчиња имаа антитела на вирусот Корона-19. Со применетата интензивна терапија и грижа, во период од неколку недели се случи целосно закрепнување и заздравување на двете деца.

– Одговорот на прашањето дали болеста Кавасаки е поврзана со вирусот Ковид-19 сè уште не е даден, така што не можеме да тврдиме со сигурност дека постои причинско-последична врска помеѓу болеста Кавасаки, која се јавува првенствено кај деца на возраст од 2 до 3 години со Вирус Ковид-19 – објасни проф. Д-р Вукамоновиќ.

Не секоја температура е КОВИД

Тој потенцира дека појавата на треска кај децата не треба да биде аларм за родителите дека децата се заразени со вирусот „Ковид-19“.

– Покрај симптомите кои се најчести кај возрасните, како треска, кашлица, останување без здив, децата може да имаат и гастроинтестинални проблеми како што се повраќање и дијареја. Епидемиолошката анамнеза е многу важна, а тоа значи дали имало лица со инфекција КОВИД-19 во непосредна близина на детето и дали децата би биле директно изложени на тој вирус. Децата дефинитивно треба да бидат прегледани во Здравствениот дом, но непотребно е да ги носите на преглед на секој и краткорочен скок на телесната температура, што не е поврзано со општата состојба на детето, губење на апетит или нарушувања на расположението и кога детето нема висока телесна температура – вели проф. Д-р Вукомановиќ.

loading...